Irvine Welsh Quote

Ah don’t really know, Tam, ah jist dinnae. It kinday makes things seem mair real tae us. Life’s boring and futile. We start aof wi high hopes, then we bottle it. We realise that we’re aw gaunnae die, withoot really findin oot the big answers. We develop aw they long-winded ideas which just interpret the reality ay oor lives in different weys, withoot really extending oor body ay worthwhile knowledge, about the big things, the real things. Basically, we live a short, disappointing life; and then we die. We fill up oor lives wi shite, things like careers and relationships tae delude oorsels that it isnae totally pointless. Smack’s an honest drug, because it strips away these delusions. Wi smack, whin ye feel good, ye feel immortal. Whin ye feel bad, it intensifies the shite that’s already thair. It’s the only really honest drug. It doesnae alter yer consciousness. It just gies ye a hit and a sense ay well-being. Eftir that, ye see the misery ay the world as it is, and ye cannae anaesthetise yirsel against it.